Umugenzuzi Mukuru w’Imari za Leta yashimiye intumwa zo ku rwego rwo hejuru zo muri Uganda.

Umugenzuzi Mukuru w’Imari ya Leta, Alexis Kamuhire, kuri uyu wa 26 Gashyantare 2026 yashimiye abayobozi bari mu ntumwa zo hejuru zaturutse muri Uganda, kuba barahisemo u Rwanda.

Nyuma yaho, ku wa 25 Gashyantare 2026, yari yakiriye izo ntumwa ziyobowe na Nyakubahwa Aleper Moses, Visi Perezida wa Komisiyo y’Inteko Ishinga Amategeko ya Uganda ishinzwe Imari, Igenamigambi n’Iterambere ry’Ubukungu.

Yashimiye abagize izo ntumwa bose bari basoje uruzinduko rw’akazi rw’iminsi itanu.

Yabashimiye “kuba barahisemo u Rwanda,” agira ati: “Dufitanye ubufatanye bukomeye na SAI-Uganda kandi dusanzwe dusangizanya imikorere myiza. Twizeye ko ubu bufatanye bw’impande zombi buzakomeza.”

Umuyobozi w’izo ntumwa, Hon. Aleper Moses, yashimiye Rwanda Cooperation Initiative (RCI) uburyo bwiza yakiriwemo ndetse anashimira Ibiro by’Umugenzuzi Mukuru w’Imari za Leta kuba byarasangije intumwa ubunararibonye.

Nk’uko imibare yatanzwe na RCI ibigaragaza, uru rwego rwa Leta rwashyiriweho kuba ihuriro ry’abafatanyabikorwa bifuza gusobanukirwa ibisubizo by’iterambere bishya byafashije u Rwanda mu rugendo rw’impinduka n’iterambere, kuva mu Ukwakira 2018 u Rwanda rwakiriye intumwa 14 zaturutse mu nzego zitandukanye za Uganda, zigizwe n’abantu 242.